Мэргэжлийн гал тогоо байгуулах төсөл
Мэргэжлийн гал тогоо байгуулах төсөл
.png)
“Хоол хийх нь урлаг. Харин урлаг бүхэн мэдлэг, техник дээр үндэслэнэ.”- Chef Ferran Adrià
“Гал тогоо бол рестораны зүрх нь”- Chef Gordon Ramsay
Мэргэжлийн гал тогоог байгуулах төсөл нь нарийвчилсан талбайн хэмжилт, зураг төслөөс эхэлж, аюулгүй байдлын шаардлагыг хангасан агааржуулалт, ган хийцийн угсралт, бүтээмжид суурилсан тоног төхөөрөмжийн сонголт, инженерийн иж бүрэн дэд бүтэц, суурилуулалт ба тохируулга, ажилтнуудын сургалт гэсэн шат дараатайгаар бүрддэг.
Үйлдвэрлэлийн орчныг стандартын дагуу төгөлдөр шийдэж, ашиглалтад бэлэн болгосны дараа техникийн үзлэг үйлчилгээ, урт хугацааны дэмжлэг үзүүлж, хэрэглэгчийн хөрөнгө, цаг хугацаа, бүтээмжийг оновчтой удирдах боломжийг бий болгодог.
Бид Монгол улсад Мэргэжлийн гал тогоог шинээр байгуулах, хуучин гал тогоог шинэчлэн засварлах иж бүрэн төслийг хэрэгжүүлэгч цорын ганц компани.
Мэргэжлийн гал тогоо хэрхэн бүтдэг вэ?
Хэмжилт, зураг төсөл
Гал тогоо байрлах талбайд нарийвчилсан хэмжилт хийж, ажлын урсгал, зохион байгуулалтыг төлөвлөж, мэргэжлийн гал тогооны стандарт, аюулгүй байдлыг бүрэн хангах зураг төслийг боловсруулдаг.
Агааржуулалт, Ган хийц
Халуун температурын тасралтгүй ажиллагаанд зориулан агааржуулалт, утаа сорох системийн төлөвлөлтийг хийнэ. Үүний дараа аюулгүй байдлын стандартын дагуу агааржуулалтын хоолой, хана, шал хэсэгт нэмэлт ган хийцийг бүтээнэ.
Тоног төхөөрөмж
Гал тогооны төрөл, хүчин чадал, бүтээмжид суурилна. Ингэхдээ тухайн тоног төхөөрөмжүүдийн стандарт, эрчим хүчний хэмнэлт, ашигт ажиллагааны үзүүлэлт, талбайн байгуулалтад нийцэх хэмжээс зэргийг бүрэн тооцдог.
Ажлын зураг
Мэргэжлийн гал тогоог стандартын дагуу байгуулахад дэд бүтэц буюу инженерийн шугам сүлжээ, цахилгаан хангамж, сантехникийн шийдлийг багтаасан бүрэн хэмжээний ажлын зургийг боловсруулдаг.
Угсралт, нийлүүлэлт
Гал тогооны талбайн засвар, тоноглол, ган хийцийн ажил дууссанаар тоног төхөөрөмжүүдийн угсралт, суурилуулалтыг хийнэ. Тус ажлын хүрээнд цахилгаан, сантехникийн холболтуудыг хийж тоног төхөөрөмжүүдийг ажиллагаанд бэлтгэнэ.
Туршилт, тохируулга
Суурилагдсан тоног төхөөрөмжүүд нэг бүр дээр хэвийн ажиллагааг шалгах туршилт, тохируулгууд хийгдэнэ. Үүний дараа гал тогооны баг, ажилтнуудад сургалтаар ашиглалтын заавар, нэмэлт мэдээллүүдийг олгодог.
Ашиглалт үйлчилгээ
Мэргэжлийн гал тогооны тоног төхөөрөмжүүдийн үйлдвэрээс заасан хугацаанд хэвийн ажиллагааг хангах үзлэг үйлчилгээний төлөвлөгөө гаргах, засвар үйлчилгээг хэрхэн үзүүлэх хуваарийг гаргадаг.
Бидний байгуулсан мэргэжлийн гал тогоо
